會員活動後記

    疫情延續多時，想尋找活動給予會友參與，確要出盡各種板斧、面對的難度，實難以筆墨道來(雖然此時都係電子拼寫貼)，而且要與駕駛有關連，更非容易！

    幸運遇到一班對駕駛有濃厚興趣人士(小編按︰這可多得江主席的朋友夠多......:))，他們成立了「香港越野車協會」，而且大癮到造出一個成萬平方米的訓練場地；於數月前剛圓滿落成，最近誠邀本協會組織咗一次參觀；今次的活動一如在學時期去旅行咁樣，心情同樣興奮，仲要係相約於平日舉行。

    到達場地時，見到像似渡假村模樣嘅HKSUVA門面，已經有外遊感覺，該會主席仲係大閘前親自迎接，巧(好)感動！

    之後參觀會所設施，並接受香港越野車會主席講述「越野滋味」，當中強調對「安全」及「合作」嘅要求，感受到這個協會對駕駛的熱愛，以及其對人車合一的重要，大家一起交流駕駛細節，會友們獲益良多，尤其是係在泥沙地行進的知識。

    之後各會友輪流作座上客，主席更親自落場駕駛場內的學習專用越野車，多次載住會友們穿梭訓練場地，每趟歷時超過20分鐘，讓大家好好感受各種路況，事後一啲疲態都無，似乎玩得越野車旅行，身體必然健康！

    這次的參觀活動，在自己的駕駛樂趣中又增加多咗一頁!!

文︰林鴻傑

圖︰BEN